நெஞ்சில் நின்ற ராகம்

வணக்கம் உறவுகளே..!! வாரா வாரம் நெஞ்சில் நின்ற ராகம் பகுதியூடாக இனிய இடைக்கால பாடல்களை பகிர்ந்து வருகின்றேன். அந்த வகையில் இந்த வாரமும் ஒரு இனிய இடைக்கால பாடலை உங்களோடு பகிர்ந்து கொள்கின்றேன்.

இன்று பகிர்ந்து கொள்ளும் பாடல் பாலைவன ரோஜாக்கள் திரைப்படத்துக்காக இசைஞானி இளையராஜாவின் இசையில் அவரே பாடி அசத்திய பாடல்...

"காதல் என்பது பொது உடமை.. கஷ்டம் மட்டும் தானே தனி உடமை...!!
அப்பனும் ஆத்தாளும் சேராம போனா.. நீயுந் தான் பொறக்க முடியுமா..??
இத எப்போதும் நீயும் தான் மறுக்க முடியுமா..??"

ஆசை மட்டும் இல்லாத ஆளேது கூறு..
அந்த வழி போகாத ஆள் இங்கு யாரு..
புத்தனும் போன பாதை தான்... பொம்பள என்னும் போதை தான்...
அந்த வேகம் வந்திடும் போது ஒரு வேலி என்பது ஏது..??
இது நாளும் நாளும் தாகம் தான்..
உண்மைய எண்ணி பாரடா.. இது இல்லாட்டா உலகம் இங்கே ஏதடா...

ஆசை ஒரு நீரோட்டம் நில்லாம ஓடும்...
உள்ளுக்குள்ள ஏதேதோ சங்கீதம் பாடும்...
ஒன்னாக கலந்த உறவு தான் எந்நாளும் இன்பம் வரவு தான்...
இது காதல் என்கிற கனவு...
காண என்னுற மனசு.. இத சேர துடிக்கும் வயசு தான்..

வாழ்கையே கொஞ்ச காலம் தான்..
இந்த வாழ்கையில வாலிபம் கொஞ்ச நேரம் தான்...

காதல் என்பது பொது உடமை.. கஷ்டம் மட்டும் தானே தனி உடமை...

அப்பனும் ஆத்தாளும் சேராம போனா... நீயுந் தான் பொறக்க முடியுமா..??
இத எப்போதும் நீயும் தான் மறுக்க முடியுமா..??



இப்பாடல் வரிகள் ஒவ்வொன்றும் ஆழமான கருதுடையதாய் அமைந்துள்ளது.
1986 ஆம் ஆண்டு, இசைஞானி இளையராஜாவின் இசையில் பிரபு, நளினி, ஜனகராஜ், சத்யராஜ், லட்சுமி ஆகியோர் நடிக்க மணிவண்ணன் இயக்கிய படம்..!
இப்பாடலுக்கு கங்கை அமரன் வரிகளை எழுதியுள்ளார்..

மீண்டும் அடுத்த வாரமும் இன்னுமொரு நெஞ்சில் நின்ற ராகத்தோடு சந்திக்கின்றேன்...!